با به شوقی گول یا به ذوقی دل

یا مشاعره به رسمی بلبل

بنویسو بیتی په ی سایتو ناوی 

زو وه ن نه لا نا تا ده رو کاوی

گرکه س مه زانو اینه خیلیوه ن

دهاتو ناوی دخو سایتش هه ن

مدیریتی سایت جه گرد باریوه

یا به روز که رده ی یا طراحی وه

یا اخبار نویسه ی یا غیر تسلیت

یا چاپی عکس یا غیر مسولیه ت

اینه خیلیوه ن زحمه ت مه کیشان

بحثی فرهنگی بیه ن ارکی شان

جه خوام گه ره کا یاودی به آوات

مامو بها گیان ماموسای خه بات

یا خوا خوا ون لیت بو به راضی

مهندس شفیع ،دبیری ریاضی

کاکه بها الدین فامیل شریفی

نیتم صادقا نیا تعریفی

به بیر و باور که رونه ش نشانی

عادتم نبیه ن به چرب زوانی

گرچه مهم نیا چاپلوسم چرا

یا غیر هر لقم وه بالام برا

واجبم زانا که رو ده س وه شی

جه مهندسی و آغه ی شریفی

اینه چن سالین هر مسولینی

گردو مخلوقی خو قبولینی

کارم نیا جارجار نظر دهنده ی

په ی مطلبی وی خاس با یک دنده ی

هر فشار مارا که خاس ماچانه

یا نقد که را به بی بهانه

آخر دخو نقد فره مشکل نیه ن

عمل حسابا دخو دیار نیه ن

گرکه س متاو و خو نقد که رو

بلام کون عمل چی یو نیا که رو

خلاصه ی کلام به کانگا و دلی

هر کیفی بی دی هر پیسو گولی

یا خوا جه دنیا مشکلتا نه بو

یا غیر قیامت سوالتا نه بو

یا خوا بژیو دی به کامه رانی

سر فراز بیدی جه دنیای فانی